Tuesday, October 16, 2012

Epigram

Ket daytoy ti surat ti biag ko,
Awan pangisagutan nu di ket ni biag,
Adu ti napasamak, ustu ken haan,
Ngem uray kasta innak selebraran.

Kas pulut, nasam-it la unay,
Kas rig-rigat, nasakit ken nadawel
Kas kanta a nasudi
Biag ko, naisabsabali.

Nu pay kasta,
Isurat ko ket awatem,
Ti init ken ti bulan paneknekan da,
Awan ti ilim-limed, mailimed.

Ti papel marunot tu,
Ngem ti napasamak haan mapukaw,
Wen, malipatan,
Ngem haan da matakaw.

No comments:

Post a Comment