XVII

Inpalubos ko nga umadayo ka
Ta inkarim nga agsubli kan to.
Ti rabiik summipnget ti kaawan mo.

Iti panganan nakaul-ulimek
Katungtong ko iti pinggan
Ti aldaw ko naladingit ta awan ka.

Adu ti tawen nga napalabas
'Dyak pulos nangngeg iti unim
Ti biag ko napnot iliw.

Ngem ayan mon ayat
Nagbayag ka metten
Pangnga-asim agsubli kan.

XVI

Tangatang
Kasaritaen ka man
Ta ti pusok napnu ti iliw
Kadagiti tattao nga patpatgek.

Ipakitam man tay lawag mo
Nga makapurarar
Ta nu ikidem da
Malagip da dagiti
Kakabsat nga agay-ayat
Kadakuada.